ҰСЫНЫМДАР
АСТАНА ESG ФОРУМ 2025
"Қазақстанның ESG-трансформациясы: тұрақты дамуға ұжымдық бейілділік"
30 қазан 2025 жыл, Астана қаласы
ПРЕАМБУЛА
Біз, 2025 жылдың 30 қазаны күні «Астана» халықаралық қаржы орталығында өткен Astana ESG Forum 2025 қатысушылары, министрліктер мен ведомстволардың, бизнес қауымдастықтардың, қаржы институттарының, академиялық орта мен халықаралық ұйымдардың және азаматтық қоғамның өкілдері ретінде,2025 жылдың 8 қыркүйегіндегі Қазақстан Республикасының Президенті Қасым-Жомарт Тоқаевтың «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Жолдауында айқындалған стратегиялық басымдықтарды НАЗАРҒА АЛА ОТЫРЫП,
Қазақстан Республикасының 2060 жылға дейінгі көміртегі бейтараптығына қол жеткізу стратегиясының және 2050 жылға дейінгі «жасыл экономикаға» көшу тұжырымдамасының ұзақ мерзімді мақсаттарын ЕСКЕРЕ ОТЫРЫП,
елдің тұрақты даму қағидаттарын іске асырудағы елеулі ілгерілеуін және БҰҰ-ның Тұрақты даму мақсаттарына қол жеткізу саласындағы жетістіктерін АТАП ӨТЕ ОТЫРЫП,
елдің бәсекеге қабілеттілігі мен инвестициялық тартымдылығын қамтамасыз ету үшін ESG қағидаттарын жүйелі түрде енгізудің маңыздылығын МОЙЫНДАЙ ОТЫРЫП,
өңірлердің әлеуметтік-экономикалық ерекшеліктерін ескере отырып, әділ энергетикалық көшуге теңгерімді тәсілдің қажеттілігін АЙТА ОТЫРЫП,
ESG саласындағы кешенді шешімдер әзірлеу және халықаралық стандарттарға сай әрекет ету үшін салааралық және пәнаралық диалогтың маңыздылығын ТЕРЕҢ ТҮСІНЕ ОТЫРЫП,
келесі ұсынымдарды әзірледік:
келесі ұсынымдарды әзірледік:
I. ҮКІМЕТКЕ АРНАЛҒАН ҰСЫНЫМДАР
- Халықаралық тәжірибе мен ұлттық ерекшеліктерді ескере отырып, ESG стандарттарын енгізу жөніндегі саясатты ілгерілету
- “Жасыл” инвестицияларды тарту үшін қолайлы жағдай жасау
- Моноқалалар мен жергілікті қауымдастықтардың қажеттіліктерін ескере отырып, өңірлердің әділ энергетикалық көшуге бейімделу бағдарламаларын қолдау
- Тұрақты даму саласындағы білім беру бастамаларын барлық деңгейде дамыту және кеңейту
- ESG қағидаттарын корпоративтік даму стратегияларына енгізу
- ESG жобаларын жүзеге асыру үшін серіктестіктерді дамыту
- ESG есептілігін енгізу арқылы ашықтықты қамтамасыз ету
- ШОБ-тың “жасыл” қаржыландыру құралдарына қолжетімділігін кеңейту
- ESG қағидаттарын білім беру бағдарламаларына енгізу
- ESG-менеджмент саласында мамандар даярлау
- Білім және құзыреттер алмасу платформаларын дамыту
- ESG саласындағы қоғамдық бастамаларды кеңейту
- Халықтың тұрақты даму қағидаттары туралы хабардарлығын арттыру
- ESG жобаларындағы қоғамдық қатысу мен волонтерлікті дамыту тетіктерін жетілдіру
- Жауапты тұтыну мәдениетін, қоршаған ортаға ұқыпты қарауды және инклюзияны ілгерілету
ҚОРЫТЫНДЫ
Форум қатысушылары тұрақты даму қағидаттарына ортақ бейілділігін білдіреді және ESG-трансформация саласында сындарлы диалог пен ынтымақтастықты нығайтуға дайын екенін мәлімдейді. Мемлекет, бизнес, білім беру саласы және қоғамның бірлескен күш-жігері тұрақты дамудың ұзақ мерзімді мақсаттарына қол жеткізуге, өркендеген ел қалыптастыруға және болашақ ұрпақтың әл-ауқатын қамтамасыз етуге берік негіз қалайды.Қол жеткізген нәтижелерді жоғары бағалай отырып, Форум оң динамиканы сақтаудың және барлық мүдделі тараптар арасындағы әріптестікті нығайтудың маңыздылығын атап өтеді.
Форум қатысушылары осы ұсынымдардың жүзеге асырылу барысын бағалау мақсатында 2026 жылы Астана ESG Форумын Қазақстан Республикасының астанасында өткізу туралы келісімге келді.
Форум қатысушылары мақұлдады
30 қазан 2025 жыл
Қазақстан Республикасы, Астана қаласы
